Një deklaratë e Ori Nebijajt për Arbana Osmanin ka rikthyer në qendër të vëmendjes marrëdhënien mes dy moderatoreve të njohura shqiptare.
Gjithçka nisi gjatë emisionit “Goca dhe Gra”, ku Ori Nebiaj, në një bisedë me Jonida Maliqin, u pyet se cili personazh i njohur i ekranit është ndryshe në jetën reale nga mënyra se si shfaqet përpara kamerave.
Pa hezituar, moderatorja përmendi emrin e Arbana Osmanit, duke pranuar publikisht se ishte zhgënjyer prej saj.
“Një nga personazhet e medias që realisht për mua është tjetër gjë në ekran dhe është tjetër gjë si individ, është Arbana Osmani, që më ka zhgënjyer”, u shpreh Ori.
Deklarata e saj tërhoqi vëmendjen, veçanërisht për faktin se dy moderatoret kanë qenë më parë kolege.
Megjithatë, Ori nuk dha detaje për arsyet e zhgënjimit apo për ndonjë ngjarje konkrete që mund të ketë ndikuar në marrëdhënien mes tyre.
Por ajo që ka shtuar edhe më shumë diskutimet është një postim i fundit i Arbana Osmanit në rrjetet sociale.
“Njoh njerëz që më mbajnë mëri për gjëra që ata vetë më kanë bërë mua”, shkruhet në mesazhin e publikuar nga moderatorja.
Koha e publikimit ka bërë që ky postim të interpretohet si një përgjigje e tërthortë ndaj deklaratës së Ori Nebijajt.
Megjithatë, Arbana nuk ka përmendur asnjë emër dhe nuk ka konfirmuar se mesazhi i drejtohet ish-koleges së saj.
Kujtojmë se kjo nuk është hera e parë që Ori Nebiaj flet publikisht për raportin me Arbana Osmanin.
Në korrik të këtij viti, gjatë një interviste në emisionin “Kampionët e Botës” në TV Klan, Ori kishte përmendur Arbanën kur ishte pyetur për një person që kishte larguar nga jeta e saj, duke lënë të kuptohej se ato nuk komunikonin më.
Ndërsa këtë herë, deklarata e saj ka qenë edhe më e drejtpërdrejtë, duke pranuar se është ndier e zhgënjyer nga moderatorja.
Mbetet për t’u parë nëse Arbana Osmani do të reagojë drejtpërdrejt ndaj deklaratës së Ori Nebijajt apo do të zgjedhë të mos e komentojë publikisht situatën.
